تحذير للجميع ......وسلامتكم من كل شر

صاري · 05-29-2010, 00:13

السلام عليكم ورحمة الله

أعضاء وزوار المنتدى وحشتوني كثير كيفكم وكيف الخبر وأهلها الغاليين .
عموما ما أحب أطول عليكم .هذا موضوع وصلني على الايميل وحبيت يوصل للجميع والله يحفظكم من كل شر.
الكاميرات المزروعة بالخبر والطرق السريعه

كاميرات ساهر بالخبر وما حولها المكتشفة لحد الان

المخالفة للي يقطع الاشارة + اللي كفره الامامي يدعس خط المشاة + اللي يلف يمين لازم يوقف ثانيتين ثم يلف + اللي بيلف يمين يمسك سرا باليمين موب يخطم ونفس الكلام مخالفة للي بيعربج وبيعرض موتره قدام الشعب عشان يديور حتى لو ما دعس خط المشاة
أولا الكاميرات عند الاشارات
١ -اشارة شارع الظهران تقاطع حمود (اشارة ماك وكنتاكي)

٢- اشارة شارع الظهران تقاطع الملك عبدالعزيز

٣- اشارة شارع الظهران تقاطع الكورنيش (اشارة شرطة الخبر)

٤- اشارة المريديان بالكورنيش

٥- اشارتي شارع الملك عبدالعزيز ١٠ + ١٦
٦- اشارة الببسي مع الملك عبدالعزيز

٧- اشارة شارع مكة التوكيلات
٨- اشارة كوبري الاسكان اللي تروح يمين سوق الغنم ويسار الفوازية والاسكان انتبهوا يعني محد كان يتوقع انهم يحطون عند هالاشارة

٩- اشارة شارع الخبر معرض السبيعي للسيارات

والان مع الكاميرات الموزعة بالطرقات والسرعة المحددة :d

١- طريق الخبر الدمام السريع (الكباري) أكثر من كاميرا متوزعة والسرعة القصوى ١٠٠ وقد أعذر من انذر

٢- طريق الخبر الدمام السريع اللي يمر بالدوحة والدانة والكلية التقنية وقصر الخليج أكثر من كاميرا متوزعة والسرعة القصوى ١١٠

٣- من بعد زحمة الراشد مرورا بكوبري القاعدة والجامعة ومخرج الدمام يسار وذاك الطريق سيدا لين الجبيل يمين والحسا والرياض سيدا فيه كاميرتين متوزعة والسرعة هنا ١٠٠ ركزوا

٤- طريق الجبيل والزاحفين اللي يروحون الديوانية السرعة برضو ١٠٠

٥- طريق العزيزية والزاحفين السرعة برضو ١٠٠
[/size]

MUBARAK · 05-29-2010, 01:54

يعطيك العافية
بس في بالي سؤال الحين
في مخالفات لدباب ههههههه لان اقلب الشباب الوحه ماتبين
وتعرفون الدباب لوحه وحده

صاري · 05-29-2010, 02:05

أقول بروك وش رأيك تجرب ونشوف وش بيصير يعني خل الطقه براسك هالمره ههههههههههه .مشكور يالغالي على مرورك الجميل

المخلص · 05-29-2010, 02:08

مشكور يابطل ع خبريه والله يعطيك العافيه

صدام · 05-29-2010, 10:18

هلا اخوي صاري ومشكور ع الاخبار وبصراحه انا اشوف افضل وجود الكميرات للسرعه بس كان السرعه قليله جدا ع الاقل 120 عموما مشكور

sultan · 05-29-2010, 12:44

يعطيك العافيه على الاخبار الجيده بس مثل منت عارف الشعب السعودي مايهمه لا ساهر ولا مواصل هههههه

روحي تفداكم · 05-29-2010, 14:41

YouTube - ‫ط³ط¹ظˆط¯ظٹط§ظ† ظٹط®طھط¨ط±ط§ظ† ظ†ط¸ط§ظ… ط³ط§ظ‡ط± ط§ظ„ظ…ط±ظˆط±ظٹ ظپظٹ ط§ظ„ط±ظٹط§ط¶‬&lrm;

محمد السبيعي · 05-29-2010, 14:51

باقي يحطون بحوش بيتنا ,,,, يعطيك العافيه على الموضوع

صاري · 05-29-2010, 22:10

المخلص شرفني مرورك على الموضوع –هلا بالبطل صدام تبي الصراحة حتى لو حطوها 120هم بنقول قليله ليش ما حطوها
140 شكرا لمرورك الجميل –ونت صادق اخوي سلطان الشباب السعودي ما فيه حل ابد على فكره اعجبتني كلمه (مواصل) هلا بك في موضوعي ونورته بتعليقك –
روحي تفدكم زي ما قال اخوي سلطان الشباب السعودي ما فيه حيله
والمقطع يوكد كلامه مشكورة على مرورك وإضافتك الجميلة-خويr55 قويه مره في الحوش بس بصراحة لا تستبعد هالشي يصير مستقبلا ههههه مشكور لمرورك يالغالي.

تايغر · 05-30-2010, 02:24

اذا كانوا موجودين اشتغلوا او لا ما لاحظنا شي للحين نسرع والناس تسرع !!! قالوا الشهر الجاي بس ما صار شهر للحين بس الاشارات شغله على طول بس السرعه ما يندرى عنه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)