حصرياا تغير الكلتشات الدراجة بالصوره +شرح

واثق الخطوات · 12-18-2008, 19:20

السلام عليكم :36_1_39[1]:

كيف الحلوين ....

اليوم جايب لكم شرح تغير الكلتشات للدراجة النارية ..

طبعا الان بعطيكم طريقة تغير الدراجة اللي لها واير كلتش وليس بالزيت وقريبا بنزل موضوع عن التغير الزيت وكيف طريقة التنسيم الهواء ........الخ

طبعا تغير كلتشات على 600 هوندا يعني اهل الهوندا بينامون وهم مرتاحين باذن الله في المستقبل بنزل شرح للصيانه حق كل شي لهم حجم 600 او 1000 هوندا

نبدا

اول شي عشان تعرف ان الكلتشات خلاص مودعه كيف ؟؟؟

اول ما تمشي الدباب قومته ثقيله او اذا مشيت وتدعس فجا تحس الدباب جالس الكفر يبوش او يفحط وهو في الاساس بس يدور عادي او اقل من عادي بس ار بي ام تشوفه بسرعه يرتفع ويحن الدباب ...

اضغط على الصوره لتكبيرهاااااا

طيب الطريقة التركيب

اول شي افتح الفيابر لكي توصل للغطاء الكلتشات ...

افتح واير الكلش ارخي المزانيه وافتحه ..

افتح المسامير كامل للغطاء حاول تحرك الغطاء يمين ويسار على خفيف لكي يفتك السليكون ..

افتح المسامير الخمسه وانتبه للسبرنقات ....

افتح الغطاء لدرام الكلتشات ....ملاحظه شيك على نعومة السطح الموضح بالصوره يجب ان يصير ناعم غير مخدوش خدش لكي لا يتلف الكلش ...

افتح الكلتشات مع الدسكات مع مراعات كيف طريقة التركيب ....يعني انتبه مثلا اول كلاش يصير
الضروس مركبه عكس الكلتشات الباقي يعني يثبت في الدرام له مكان خاص....

والدسك يصير جها اشوي خشنه وجهه ناعمه تركب الجهه الخشنه على الخارج ...

اخر كلتش داخل شكله يختلف عن الباقي .....

قم بصنفرة وغسيل الدسكات الى ان يروح الكربون اللي عليهم من اثر الحراره ....

صنفر محل السليكون في الغطاء وفي جرم المحرك لكي يمسك السلكون الجديد في الغطاء والجرم ...

ابداء طبق الكلتشات في الدرام ومثل ما سبق وقلت اعرف ترتيبهم وفي شرح بالصور ...

ملاحظة بلل الكلتشات بالزيت اثناء التركيب .....وتاكد ان الكلتشات المحروقه انها كامل وليس مكسوره ونازله قطع تحت في الكارتير حق الزيت .....

هذي صوره من كتلوج الوكاله

طبق غطاء الدرام الكلتشات ....وركب المسامير و لاتنسى طريقة الكرب هذي قاعده انك توزع القوه بين المسامسير يعني لا تشد المسمار الاول واللي بعده اللي جنبه لا شد اللي مقابله ..

يعني على شكل اكس مثل تغير كفر السياره ....

اغسل الغطاء للكلتشات بالبنزين وركب السيلكون وطبق الغطاء ....

وارجع واقول اكرب على شكل اكس والوكاله مو مقصره حاطه ارقام حق اي واحد غشيم في الصيانه.....بتشوف شرح بالصوره ارقام عند البلوط ..

والان جاهر للاستعمال

ملاحظه في ناس تفضل بعد تغير الكلتشات تغير الزيت والسيفون .....

بس انا لي وجهة نظر ثانيه انك ما تغير الزيت نفس اللحظه يعني تطلع فيه طلعتين او طلعه بعدين تغير زيت وسيفون لكي يتجمع الوسخ مثل السليكون او البوراد الصغير بالسيفون ...

اي استفسار انا حاظر

ملاحظة : انا عندي الكتلوجات حق موديل 2003 الى 2008 حق حجم 600و1000 سي سي هوندا سي بي ار ...

اي واحد يبغا رقم قطعه او كيف ترتيب كيف تركيب قطعه ممكن يستفيد من الكتلوج ..

اتمنا افادكم الموضوع واتمنا نقله على المنتديات لتعم الفائده

aziz · 12-19-2008, 01:09

مشكور ياوحش علي المشاركه وزي العاده مبدعين يا اهل الاحساء

بق بلوك · 12-22-2008, 05:48

يسلمو اخوي الوحش على هذا الشرح وبصراحه

كفيت وفيت وانشاءالله اجمع معلومات عن الدبابات

وفي انتظار جديدك يا وحش

MUBARAK · 12-23-2008, 13:17

يعطيك الف عافية على الشرح يا الوحش

ان شاء الله اذا شرت دراجة راح اطبق اغلب شروحاتك

MOST WANTED · 12-25-2008, 15:46

ماشاء الله عليك

ماكذب اللي اللي قال ووووحش

يعطيك العافية الوحـــــــــــــــــش

المستشار · 12-26-2008, 04:36

you are the man

aboo0ood · 02-21-2009, 20:18

مشكووووووووووووووور بوسعووود

بس اذا جيت بغير بتصل عليك

علشااان اكسب منكـ خبررهــ <<<<--- مايشتهي يمسك مفتااح

طالع نازل · 02-22-2009, 22:13

كفوو والله ياوحش بس الصور عيت تطلع عندي مدري وشفيها

أمير بكلمتي · 03-08-2009, 21:14

يعطييك الف عاافيه خيووو

ننتظر جديدك

سيووو

SLoOoOoOoMY · 03-19-2009, 05:36

مشكوووووووووووووووووووووور اخوي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)